NOVO SISTEMA DE REGO 16/5/23

No obradoiro do segundo trimestre coa nosa asesora, deseñamos sistemas de rego sostible con materiais de refugallo pero os resultados non son os esperados pois os envases foron deteriorándose e non chegan a manter a terra con toda a humidade que precisa.

Alumnos e alumnas de 3º comezan a deseñar un rego máis estable que poda abastecer todas as mesas coa auga necesaria sen desperdiciala como ocurre coa mangueira para iso toman medidas e fan o deseño.

O rego proposto estará feito por tubo ríxido perforado para incrustar nel goteiros xa que ao ter que pasar de mesa a mesa e rematar na mesa central non podemos utilizar tubo exudante porque se perdería moita auga. Máis adiante queremos incluir o detector de humidade programado polos compañeiros de sexto neste sistema.